باسکر عامر نے پاکستان وچ آپ مارو حملیاں تے دھمکیاں دی مذمت کر دِتی

لاہور(پاکستان پوائنٹ نیوز25۔فروری2017ء) پاکستانی نژاد برطانوی باکسر عامر نے پاکستان وچ چالو مہینے ہون والے آپ مارو حملیاں تے دھمکیاں دی مذمت کر دِتی۔ تفصیل دے مطابق اپنے اک ویڈیو پیغام وچ 30ورھیاں دے عامر خان د اکہنا سی کہ اوہناں دیاں نیک خاہشاں اوہناں لوکاں نال نیں جہناں نے اپنے پیاریاں نوں گوا دِتا، اوہ پاکستان تے خاص کر لاہور وچ ہون والے دھمکیاں دی مذمت کردے نیں۔ عامر خان دا کہنا سی کہ لاہور اوہناں دے پاکستانی دے دورے دوران پسندیدا ترین تھاں وچ اک ہوندی اے۔ عامر خان دا ہور کہنا سی کہ پاکستان سپر لیگ دا فائنل لاہور وچ ہونا چاہیدا کیونکہ میرے خیال وچ ایہدے نال پاکستان نوں اگانہ ودھن وچ مدد ملے گی۔ اوہناںد ا کہنا سی کہ امید اے کہ پاک فوج پاکستان سپر لیگ دے فائنل لئی بھرپور سکیورٹی دا بندوبست کرے گی، کیونکہ اسیں سارے پاکستان نوں ترقی کردا ویکھنا چاہندے آں تے پی ایس ایل فائنل دا انعقاد ترقی دی پہلی پوڑھی ثابت ہو سکدی اے۔