پاکستان سپر لیگ دا فائنل لاہور وچ کران دے راہ اُتے آں۔نجم سیٹھی

لاہور(پاکستان پوائنٹ نیوز25۔فروری2017ء) پاکستان سپر لیگ دے چیئرمین نجم سیٹھی نے آکھیا اے کہ پی ایس ایل دا فائنل لاہور وچ کران دے راہ اُتے آں۔ تفصیل دے مطابق اپنے ٹویٹر پیغام وچ نجم سیٹھی دا کہنا سی کہ اوہناں نے کُجھ چِر پہلے وزیر اعلا پنجاب شہباز شریف نال ملاقات کیتی اے تے اوہ پاکستان سپر لیگ 2دا فائنل میچ لاہور وچ کران دے راہ اُتے نیں پر سکیورٹی دا وی نال نال جائزا لیندے رہواں گے۔ یاد رہوے کہ سکیورٹی خدشیاں پاروں پاکستان سپر لیگ دا فائنل میچ لاہور وچ کران یاں نہ کران دے حوالے نال اہم اجلاس اج وزیر اعلا پنجاب دی صدار ت ہیٹھ ہونا اے۔