سي پيڪ تحت حويليان ٿاڪوٽ شاهراهه جي تعمير جو ڪم تيزي سان مڪمل ڪيو ويندو:سينيٽ کي آگاهي

اسلام آباد (پاکستان پوائنٹ نیو ز 29۔جولائی۔2016ء) سينيٽ کي ٻڌايو ويو آهي ته سي پيڪ تحت حويليان ٿاڪوٽ شاهراهه جي تعمير جو ڪم تيزي سان مڪمل ڪيو ويندو، ديامرڀاشا ڊيم جي تعمير لاءِ روڊن جي تعمير جو ڪم اين ايڇ اي ڪري رهي آهي، فنڊ واپڊا فراهم ڪري رهي آهي، اين ايڇ اي ۾ ڊائريڪٽرز جون 25 سيڪڙو جايون سڌو سنئون مقررين سان ڀريون وينديون آهن، جمعي ڏينهن سينيٽ جي اجلاس ۾ سوالن جي وقفي دوران سينيٽر طلحه محمود جي سوال جي جواب ۾ پارلياماني معاملن واري وفاقي وزير شيخ آفتاب احمد ٻڌايو ته حويليان ٿاڪوٽ شاهراهه (سي پيڪ منصوبي تحت ڪيل) جي تعمير جي منصوبابندي ڪئي وئي آهي، ان روڊ جي تعمير جو ڪم شروع ٿي چڪو آهي، چيني ڪمپني ان تي ڪم ڪري رهي آهي، هن چيو ته ايبٽ آباد ۾ ٽريفڪ حد کان وڌيڪ وڌي چڪي آهي، ان لاءِ ان حصي تي ڪم تيزي سان مڪمل ڪيو ويندو، سينيٽر جاويد عباسي جي سوال جي جواب ۾ هن ٻڌايو ته ان منصوبي جي لاءِ زمين حاصل ڪئي پئي وڃي، سينيٽر طاهر حسين مشهدي جي سوال جي جواب ۾ وفاقي وزير ٻڌايو ته ديامر ڀاشا ڊيم جي تعمير لاءِ روڊن جي تعمير جو ڪم اين ايڇ اي ڪري رهي آهي، فنڊ واپڊا فراهم ڪري رهي آهي، ڪجهه علائقن ۾ خيبرپختونخوا حڪومت سان معاملا التوا هيٺ آهن، ان لاءِ 30 سيڪڙو ڪم مڪمل ٿيو آهي، باقي ڪم التوا هيٺ معاملا حل ٿيڻ کانپوءِ ٿيندو، هڪ سوال جي جواب ۾ پارلياماني معاملن واري وفاقي وزير شيخ آفتاب احمد ٻڌايو ته اين ايڇ اي ۾ ڊائريڪٽر جي مقرري لاءِ سڌو سنئون مقرري ۽ ترقي جو طريقيڪار آهي، هن چيو ته ڪل جاين جو 25 سيڪڙو سڌو سنئون مقرري سان ڀريون وينديون آهن. جڏهن ته 75 سيڪڙو جايون ترقي جي ذريعي ڪيون وينديون آهن. اي پي پي/ص – ج/ش – چ/ر – م 15:11