محمد زبير جي سنڌ جي گورنر طور مقرري سان ڪراچي ۾ امن امان جي صورتحال وڌيڪ بهتر ٿيندي: ڄام ڪمال

اسلام آباد (پاکستان نیوز پوائنٹ 02 فروری2016ء) پيٽروليم ۽ قدرتي وسيلن واري مملڪتي وزير ڄام ڪمال خان چيو آهي ته محمد زبير جي سنڌ جي گورنر طور مقرري سان ڪراچي ۾ امن امان جي صورتحال وڌيڪ بهتر ٿيندي جڏهن ته ڪراچي جي انڊسٽري به ترقي ڪندي. ڪالهه خميس ڏينهن پارليامينٽ هائوس ٻاهران ميڊيا سان ڳالهائيندي هن چيو ته محمد زبير جو گورنر بڻجڻ سٺي ڳالهه آهي، ڪراچي ۾ امن امان جي صورتحال بهتر ٿيندي جڏهن ته ڪراچي ۾ سيڙپڪاري جا موقعا وڌندا. جڏهن ته ڪراچي جي صنعت ترقي ڪندي، هن چيو ته محمد زبير جو معاشي ۽ سيڙپڪاري جي حوالي سان وسيع تجربو آهي، مملڪتي وزير چيو ته محمد زبير گورنر طور مرڪز ۽ صوبي جي وچ ۾ لاڳاپا وڌيڪ بهتر بڻائيندو.