عمران خان، وزيراعظم محمد نواز شريف جي پرفارمنس جي حملن جو مقابلو ڪري: مريم اورنگزيب

اسلام آباد (پاکستان نیوز پوائنٹ 27جنوری2016ء) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان، وزيراعظم محمد نواز شريف جي پرفارمنس جي حملن جو مقابلو ڪري، هو صرف پارليامينٽ ۽ پي ٽي وي تي حملو ڪرڻ ڄاڻي ٿو، عمران خان کي چئلينج آهي ته موجوده حڪومت جي چئن سالن ۾ ڪرپشن جو ڪو هڪ ثبوت ڏي، عمران خان کي معلوم ٿي ويو آهي ته هو 2018ع جي چونڊن ۾ مريم نواز جو مقابلو نٿو ڪري سگهي، پارليامينٽ ۾ جيڪو ڪجهه ٿيو اهو سپريم ڪورٽ کان ڀڄڻ جي تياري آهي، شاهد خاقان عباسي شاهه محمود قريشي سان ڳالهائڻ ويو ته ان تي حملو ڪيو ويو، هڪ وقت هو جڏهن عمران خان پارليامينٽ تي ٻاهران حملو ڪيو ڪالهه هن پارليامينٽ جي اندر حملو ڪيو، پي ٽي آءِ وزيراعظم کانپوءِ مريم نواز ۽ اسحاق ڊار کان به ڊڄي رهي آهي، محمد نواز شريف عدالت ۾ پنهنجو، پنهنجي مرحوم والد ۽ ٻارن جو به حساب ڏئي رهيو آهي، ڪوڙ ۽ انتشاري سياست دفن ٿيندي، ملڪ نواز شريف جي قيادت ۾ اڳتي وڌندو، هو جمعي ڏينهن سپريم ڪورٽ جي ٻاهران صحافين سان ڳالهائي رهي هئي. هن چيو ته پارليامينٽ جي اندر پيدا ٿيندڙ صورتحال جو ماسٽر مائينڊ عمران خان آهي، هو انتشار جي سياست جي تياري ڪري رهيو آهي، هن چيو ته پي ٽي آءِ طرفان هو ڪيس ٻيهر سپريم ڪورٽ ۾ آندو ويو آهي جنهن تي پهرين فيصلو ٻڌايو ويو آهي، هن چيو ته وزيراعظم جو نالو پاناما پيپرز ۾ نه آهي، شروعاتي طور تي هي ڪيس وزيراعظم محمد نواز شريف جي نالي سان شروع ڪيو ويو جنهن جو پاناما پيپرز ۾ ڪوئي نالو نه آهي ان کانپوءِ ڪيس جو رخ مريم نواز طرف ڪيو ويو ڇو ته کين معلوم آهي ته هو 2018ع جي چونڊن ۾ مريم نواز جو مقابلو نه ڪري سگهندو، هن چيو ته ناڻي واري وزير اسحاق ڊار ۽ وزيراعظم محمد نواز شريف جي ويزن جي مطابق پاڪستان کي اڳتي وٺي وڃي رهيا آهيون ۽ دنيا جا سمورا ادارا پاڪستان جي معاشي قوت ڏسي رهيا آهن ۽ پي ٽي آءِ ان کان ڊنل آهي، هن چيو ته اسحاق ڊار ڏينهن رات پاڪستان کي معاشي قوت بڻائڻ لاءِ ڪم ڪري رهيو آهي، هو ڪيترائي ڀيرا ان طرح جي احتساب مان گذري چڪو آهي، هو اهڙا ڪيترائي جواب ڏئي چڪو آهي، هن چيو ته پوري دنيا اسحاق ڊار جي صلاحيتن کي مڃي ٿي، مريم اورنگزيب چيو ته پي ٽي آءِ جي اندر اها ذهنيت موجود نه آهي جيڪا پاڪستان کي اقتصادي طور تي اڳتي وٺي وڃي سگهي، هن چيو ته عمران خان سدائين پارليامينٽ جي ٻاهران حملا ڪندو هو تنهن هوندي به گذريل ڏينهن هن پارليامينٽ جي اندر ۽ پارليامينٽرين تي حملو ڪيو، هن چيو ته مسلم ليگ (ن) جو اڳواڻ شاهد خاقان عباسي شاهه محمود قريشي وٽ ويو ته پارليامينٽ جي اجلاس کي اڳتي هلڻ ڏيو، ان سان جيڪو ٿيو اهو ڪئميرا جي اک ۾ محفوظ آهي ۽ ان سموري ڪارروائي جي پويان عمران خان جو هٿ آهي، هن چيو ته هي صورتحال صرف انهي ڪري آهي جو عمران خان ماضي جي طرح هن ڀيري به عدالت مان به پنهنجي شڪست ڏسي رهيو آهي ۽ سپريم ڪورٽ کان به ڀڄڻ جي تياري ۾ آهي، مريم اورنگزيب چيو ته عمران خان هاڻي انتشار جي سياست جو پلان تيار ڪري رهيو آهي، هن چيو ته عمران خان عدالت جي سامهون وزيراعظم جي لڳايل ڪوڙن الزامن جو ثبوت پيش نه ڪري سگهيو جڏهن ته وزيراعظم نواز شريف پنهنجي ٽن نسلن جو حساب ڏئي رهيو آهي، 1937ع کان اڄ تائين پنهنجي مرحوم والد، ٻارن ۽ ڌيءَ جو جواب ڏئي رهيو آهي، عمران خان ته اليڪشن ڪميشن طرفان پنهنجي بابت پڇيل سوال جو جواب ڏيڻ جي قابل به نه آهي ۽ پنهنجي مٿان لڳل چئن الزامن تي استثنيءِ وٺي رهيو آهي ۽ عمران خان جي بدتميزي تي سندس وڪيل اليڪشن ڪميشن کان معافي گهري رهيو آهي جنهن تي عمران خان جو چوڻ آهي ته معافي سندس وڪيل گهري آهي، مملڪتي وزير چيو ته عمران خان جيتري ڪوشش ڪري وٺي، پاڪستان ترقي جون منزلون طئي ڪندو رهندو، پاڪستان اهڙي طرح جي سياست جي سٽ سهي نٿو سگهي. عمران خان جي ذهني حالت هڪ مايوس ۽ رد ٿيل شخص جهڙي آهي، هن چيو ته ملڪ وزيراعظم جي قيادت ۾ اڳيان وڌندو رهندو، ڦيٿا ڪٽبا رهندا ۽ اسان توهان کي مبارڪباد ڏيندا رهنداسين. اي پي پي/ش – چ/ ر – م 17:30