سعودي عرب ۾ ڪم ڪندڙ 26 لک پاڪستانين مان صرف 8 هزار ڪارڪنن کي مسئلن کي منهن ڏيڻو پيو: عبدالقادر بلوچ

اسلام آباد (پاکستان نیوز پوائنٹ 20نوری2016ء) سيفران واري وفاقي وزير ليفٽيننٽ جنرل (ر) عبدالقادر بلوچ چيو آهي ته سعودي عرب ۾ ڪم ڪندڙ 26 لک پاڪستانين مان صرف 8 هزار ڪارڪنن کي مسئلن کي منهن ڏيڻو پيو، انهن جي مسئلن جي حل لاءِ حڪومت قدم کنيا، جمعي ڏينهن سينيٽ جي اجلاس ۾ سوالن جي وقفي دوران سينيٽر اعظم سواتي جي سوال جي جواب ۾ سيفران واري وفاقي وزير عبدالقادر بلوچ ٻڌايو ته سعودي عرب ۾ 2.6 ملين کان وڌيڪ پاڪستاني آهن، تازن واقعن ۾ متاثر ٿيندڙن جو تعداد 8 هزار کان وڌيڪ نه آهي، پاڪستانين جي تعداد جي تناظر ۾ صورتحال کان متاثر ٿيندڙن جي شرح ڪافي گهٽ آهي، هن ٻڌايو ته پاڪستاني پورهيتن جي مسئلن کي سعودي عملدارن آڏو کنيو ويو آهي ۽ انهن جي مدد ڪئي وئي ته جيئن رهتن وارين ڪمپنين کان انهن جي رقم جي بازيابي لاءِ قانوني قدم کڻي، هن چيو ته مشن 2200 مزدورن کي ٻين ڪمپنين ۾ ملازمت حاصل ڪرڻ جي سهولت فراهم ڪئي، تقريبن 2100 متاثر ورڪرن کي عدالتن ۾ ڪيس داخل ڪرڻ لاءِ سهولتون فراهم ڪيون پيون وڃن، ان کانسواءِ ٻين ڪمپنين ۾ وڃڻ يا واپس اچڻ جي به سهولت فراهم ڪئي پئي وڃي. اي پي پي/ص – ج/ش – چ/ر – م 15:44