فاٽا ۽ بلوچستان سميت پوئتي پيل علائقن کي تعليمي پروگرام سميت مختلف معاملن ۾ ترجيح ڏني وئي آهي: سينيٽ کي آگاهي

اسلام آباد (پاکستان نیوز پوائنٹ 20نوری2016ء) سينيٽ کي ٻڌايو ويو آهي ته فاٽا ۽ بلوچستان سميت پوئتي پيل علائقن کي تعليمي پروگرام سميت مختلف معاملن ۾ ترجيح ڏني وئي آهي، سي پيڪ کان روزگار جا 20 لک موقعا پيدا ٿيڻ جي اميد آهي، جمعي ڏينهن سينيٽ جي اجلاس ۾ سوالن جي وقفي دوران سينيٽر نزهت صادق جي سوال جي جواب ۾ گهرو مملڪتي وزير انجنيئر بليغ الرحمان ٻڌايو ته موجوده حڪومت انساني وسيلن ۾ اضافي جي لاءِ بي شمار قدم کنيا آهن، بلوچستان ۽ فاٽا کي هميشه وڌيڪ اهميت ڏني ويندي آهي ۽ ڏيڻ به گهرجي، هن چيو ته فيسن جي معافي جي پروگرام ۾ به انهن علائقن سميت پوئتي پيل ضلعن کي ترجيح ڏني وئي آهي، ترقي ۾ پوئتي رهجي ويل علائقن جو خاص خيال رکيو پيو وڃي. اي پي پي/ص – ج/ش – چ/ر – م 15:45