سي پيڪ جي ڪري بلوچستان ۾ ترقي ۽ خوشحالي جو هڪ نئون دورو شروع ٿيندو: مولانا عبدالغفور حيدري

اسلام آباد (پاکستان نیوز پوائنٹ 19نوری2016ء) سينيٽ جي ڊپٽي چيئرمين مولانا عبدالغفور حيدري چيو آهي ته سي پيڪ جي ڪري بلوچستان ۾ ترقي ۽ خوشحالي جو هڪ نئون دورو شروع ٿيندو ۽ صوبي جي عوام جي محرومين جو ازالو ممڪن ٿي سگهندو، اهڙن خيالن جو اظهار هن چين جي سفير سن وائي ڊانگ سان پارليامينٽ هائوس ۾ خميس ڏينهن ملاقات ۾ ڪيو. ڊپٽي چيئرمين چيو ته بلوچستان هڪ پوئتي پيل صوبو آهي ۽ مسئلن جو شڪار آهي ۽ سي پيڪ جي صورت ۾ هڪ جامع ترقياتي عمل صوبي جي عوام جي زندگي جو معيار بهتر بڻائڻ ۾ مددگار ثابت ٿيندو، هن چيو ته پاڪستان کي چين سان دوستي تي فخر آهي ۽ جي يو آءِ (ف) هميشه چين سان ٻه طرفي تعاون ۽ رابطن جي استحڪام تي زور ڏنو آهي ۽ چين هر مشڪل وقت ۾ پاڪستان جو ساٿ ڏنو آهي ۽ بين الاقوامي سطح تي ٻنهي ملڪن جي وچ ۾ مثالي تعاون ڏٺو ويندو آهي، جڏهن ته مختلف فورمن تي هڪ ٻئي جي موقف ۽ اهم بين الاقوامي معاملن تي اتفاق راءِ ڏٺو ويندو آهي، هن چيو ته پاڪستان چين سان دوستي کي انتهائي قدر جي نگاهه سان ڏسي ٿو، سي پيڪ جي رستي ۾ مشڪلاتون پيدا ڪندڙ عالمي قوتن جي ارادن کي مٽي ۾ ملايو ويندو، هن چيو ته ٻنهي ملڪن ۾ دوستي ۽ ترقي جو هي سفر جاري رهندو. اي پي پي/ص – ج/ش – چ/ر – م 19:03