بوتلن ۾ وڪرو ٿيندڙ غير معياري منرل واٽر جي خلاف ڪارروائي ڪندي ڪيترن ئي ڪمپنين ۽ فيڪٽرين کي سيل ڪيو ويو آهي: رانا تنوير حسين

اسلام آباد (پاکستان نیوز پوائنٹ 13جنوری2016ء) سائنس ۽ ٽيڪنالاجي واري وفاقي وزير رانا تنوير حسين سينيٽ کي ٻڌايو آهي ته بوتلن ۾ وڪرو ٿيندڙ غير معياري منرل واٽر جي خلاف ڪارروائي ڪندي ڪيترن ئي ڪمپنين ۽ فيڪٽرين کي سيل ڪيو ويو آهي ۽ 11 برانڊز ۾ ڪيميڪلز جي آلودگي جو پتو پيو آهي، عوام ۾ ان حوالي سان آگاهي پيدا ڪرڻ جي ضرروت آهي. جمعي ڏينهن سينيٽ جي اجلاس ۾ سوالن واري وقفي دوران سينيٽر اعظم سواتي، تاج حيدر ۽ ٻين جي سوالن جي جواب ۾ وفاقي وزير رانا تنوير حسين ٻڌايو ته پيئڻ جي پاڻي جي معيار کي يقيني بڻائڻ پي ايس ڪيو سي اي ۽ پي سي آر ڊبليو آر جو مينڊيٽ نه آهي، بوتلن ۾ جيڪو پاڻي هوندو آهي ان جو معيار چيڪ ڪرڻ اسان جو مينڊيٽ آهي. اسلام آباد ۾ پيئڻ جي لاءِ صاف ۽ محفوظ پاڻي جي سپلائي جي لاءِ سي ڊي اي مختلف هنڌن تي ٽيوب ويلز ۽ فلٽريشن پلانٽس لڳايا آهن، 35 بوتلن واري پاڻي جي شڪايتن تي هن وقت ڪارروائي عمل هيٺ آهي. غير معياري ڪمپنين جي خلاف ڪارروائي ڪئي ويندي آهي، انهن کي سيل به ڪيو ويندو آهي، هن چيو ته هي ڳالهه درست آهي ته بوتلن واري پاڻي جي فراهمي جو مافيا به موجود آهي. هڪ ڪمپني جي خلاف هڪ جڳهه ڪارروائي ڪريون ٿا ته ٻي هنڌ وڃي ڪم شروع ڪري ڏيندا آهن، ماڻهو غير محفوظ پاڻي وٺي پي رهيا آهن، اسان پنهنجي دور ۾ غير محفوظ پاڻي فراهم ڪرڻ واريون 87 ڪمپنيون ۽ فيڪٽريون سيل ڪيون آهن. هن چيو ته هڪ سال کان مون هي روايت اختيار ڪئي آهي ته وڏين ڪمپنين کي چئو ته پاڻي جي ننڍي بوتل فراهم ڪن، وڏين بوتلن مان پاڻي ضايع ٿيندو آهي، اجلاس ۾ ننڍيون بوتلون فراهم ڪرڻ گهرجن، سينيٽ چيئرمين چيو ته هڪ 500 ايم ايل واري بوتل اسان ٻن ماڻهن جي لاءِ فراهم ڪندا آهيون، رانا تنوير حسين چيو ته بوتلن واري پاڻي جو معيار چيڪ ڪرڻ جي لاءِ پهرين ٻه زون هئا مون ٽي ڪرايا آهن هاڻي ان جو تعداد وڌائي پنج ڪرڻ چاهيون ٿا، سينيٽر اعظم سواتي جي سوال جي جواب ۾ سائنس ۽ ٽيڪنالاجي واري وفاقي وزير تنوير حسين ٻڌايو ته غير معياري منرل واٽر جي تياري روڪڻ جي لاءِ سزائن ۽ ڏنڊ جي رقم ۾ اضافو ڪيو آهي، ٽن مهينن مان وڌائي پنج سال جي قيد جي سزا ڪئي آهي، هي درست آهي ته غير معياري پاڻي بوتلن ۾ ڀري سپلائي ڪيو پيو وڃي، اسان پئسا ڏئي وٺندا آهيون، جولائي کان سيپٽمبر 2016ع تائين جي عرصي ۾ پي سي آر ڊبليو آر معيار جو تجزيو ڪرڻ جي غرض سان 109 بوتل واري پاڻي جا برانڊ جمع ڪيا. انهن مان 11 برانڊز ڪيميڪلز جي آلودگي سبب غير محفوظ ڏٺا ويا، پي سي آر ڊبليو آر وٽ اهڙو ڪوئي قانون اختيار موجود نه آهي جنهن تحت آلوده پاڻي جي بوتلن کي وڪرو ڪندڙن جي خلاف ڪارروائي عمل ۾ آڻي سگهجي. عوام ۾ محفوظ پاڻي ۽ ٻين شين جي حوالي سان آگاهي پيدا ڪرڻ جي ضرورت آهي، سينيٽر اعظم سواتي جي سوال جي جواب ۾ وفاقي وزير رانا تنوير حسين ٻڌايو ته موجوه حڪومت وزارت جي تحت ڪم ڪندڙ ليبارٽرين جي آمدني ۾ اضافو ڪيو آهي، انهن ليبارٽرين کي مالي طور تي پاڻڀرو بڻائڻ جي لاءِ به حڪومت قدم کنيا آهن، جيڪي ماڻهو پنهنجو پاڻي چيڪ ڪرائڻ جي لاءِ ليبارٽرين ۾ ايندا آهن انهن مان حاصل ٿيندڙ آمدني کي آئون آمدني نٿو سمجهان انهن ليبارٽرين کي آمدن ۾ اضافي جي لاءِ مختلف منصوبا بڻائڻ گهرجن. مختلف ليبارٽرين جي آمدن هڪ سال ۾ 7.4.044 ملين روپيا آهي. اي پي پي/ص – ج/ر – م13:40