اسلام آباد (پاکستان نیوز پوائنٹ 14دسمبر2016ء) صدر ممنون حسين چيو آهي ته سويلين ۽ فوجي آفيسرن ٻنهي کي معياري تعليم ۽ تربيت فراهم ڪرڻ ۽ دفاعي حڪمت عملي ۾ تحقيقي ڪم جي شعبي ۾ نيشنل ڊفينس يونيورسٽي اهم ڪردار ادا ڪيو آهي. صدر اها ڳالهه نيشنل ڊفينس يونيورسٽي جي عهدو ڇڏيندڙ صدر ليفٽيننٽ جنرل نذير احمد بٽ سان ڳالهائيندي چئي جنهن ڪالهه اربع ڏينهن ايوان صدر ۾ ساڻس ملاقات ڪئي. صدر اداري جي ڪوششن کي ساراهيندي چيو ته ان سان نه رڳو هٿياربند فوج جا آفيسر ۽ پاڪستان جي سول بيوروڪريسي معياري اسٽريٽجڪ ۽ سيڪيورٽي اسٽڊيز جي پروگرامن مان فائدو کڻي رهي آهي پر دوست ملڪن جا سينيئر آفيسر پڻ ان مان فائدو کڻي رهيا آهن. هن ملڪ ۾ اعليٰ تعليم جي معار کي وڌيڪ بهتر بڻائڻ ۽ جديد تعليم حاصل ڪرڻ جي اهميت تي زور ڏنو. صدر نيشنل ڊفينس يونيورسٽي جي عهدو ڇڏيندڙ صدر ليفٽيننٽ جنرل نذير احمد بٽ جي اداري جي لاءِ خدمتن کي ساراهيو ۽ ان خواهش جو اظهار ڪيو ته هو پنهنجي تجربن مان مستقبل ۾ به ملڪ ۾ تعليمي نظام جي بهتري جي لاءِ پنهنجون ڪوششون جاري رکندو.
سويلين ۽ فوجي آفيسرن ٻنهي کي معياري تعليم ۽ تربيت فراهم ڪرڻ ۽ دفاعي حڪمت عملي ۾ تحقيقي ڪم جي شعبي ۾ نيشنل ڊفينس يونيورسٽي اهم ڪردار ادا ڪيو آهي: صدر ممنون حسين
7 سال پھريان
