قومي اسيمبلي جي اسپيڪر پاران راجا رياض کي تنبيهه

اسلام آباد (پاکستان پوائنٹ نیوز10دسمبر 2018ء) قومي اسيمبلي جي اسپيڪر اسد قيصر قومي اسيمبلي جي ميمبر راجا رياض پاران کان مسلم ليگ (ن) جي قيادت جي خلاف اڻ وڻندڙ لفظن جي استعمال تي ان کي خبردار ڪيو آهي ته آئنده هُن اهڙي طرح جا لفظ استعمال ڪيا ته انهن جي خلاف ڪارروائي ڪئي ويندي، سومر ڏينهن قومي اسيمبلي ۾ سوالن جي وقفي جي شروع ۾ پاڪستان تحريڪ انصاف جي قومي اسيمبلي ميمبر راجا رياض مسلم ليگ (ن) جي قيادت خلاف اڻوڻندڙ لفظ چوڻ شروع ڪيا جنهن تي دفاع واري وزير پرويز خٽڪ چيو ته اسان کي ايوان کي هلائڻو آهي ان کي ڊرامو نه بڻايو، جيڪو به ان جي خلاف ورزي ڪندو ان جي خلاف ايڪشن ورتو ويندو، اسپيڪر اسد قيصر چيو ته آئون اهڙن ميمبرن جي خلاف ڪارروائي ڪندس، رانا تنوير حسين چيو ته اسان هائوس بزنس ايڊوائيزي ڪميٽي جي اجلاس ۾ خاطري ڪرائي هئي ته ايوان جي ڪارروائي سٺي انداز ۾ هلائڻ ۾ تعاون ڪنداسين، وزيراعظم وفاقي وزير پرويز خٽڪ کي ايوان جي ڪارروائي بهتر انداز ۾ هلائڻ جي لاءِ فوڪل پرسن مقرر ڪيو هو، تنهن هوندي به حڪومتي ميمبر پاڻ ان جي خلاف ورزي ڪري رهيا آهن، اسپيڪر راجا رياض کي خبردار ڪيو ته ائين ٻيهر ٿيو ته ان جي خلاف ڪارروائي ڪئي ويندي.