اسلام آباد (پاکستان نیوز پوائنٹ 22ستمبر 2016ء) ڪشمير ۽ گلگت بلتستان معاملن واري وفاقي وزير چوڌري محمد برجيس طاهر گڏيل قومن جي جنرل اسيمبلي کي وزيراعظم جي خطاب کي تاريخي قرار ڏيندي چيو آهي ته وزيراعظم عالمي برادري جي سامهون ڪشمير مسئلي کي موثر طور تي اجاگر ڪيو آهي. پنهنجي هڪ جاري بيان ۾ هن چيو ته پاڪستان سمورن فورمن تي بي گناهه ڪشميرين تي ڀارتي ظلمن کي بي نقاب ڪري رهيو آهي ۽ وزيراعظم ڪشميرين جي خودمختياري واري حق لاءِ آواز بلند ڪيو آهي. هن چيو ته پاڪستان جو واضح موقف آهي ته ڪشمير مسئلي جي حل کانسواءِ خطي ۾ پائيدار امن قائم نٿو ٿي سگهي. هن اڙي ۾ ڀارتي فوج جي هيڊڪوارٽرز تي تازي حملي کي ڀارتي سازش قرار ڏنو جنهن جو مقصد والاريل ڪشمير ۾ ڪشميرين تي ڪيل بدترين ظلم کان دنيا جو ڌيان هٽائڻ آهي، هن چيو ته ڀارت جي وحشياڻي ڪاررواين ۽ انساني حقن جي خلاف ورزين سان والاريل ڪشمير جي صورتحال خراب ٿي. هن چيو ته پاڪستان ڪشميرين جي اخلاقي، سياسي ۽ سفارتي حمايت جاري رکندو.
گڏيل قومن ۾ وزيراعظم جو خطاب تاريخي آهي: چوڌري محمد برجيس طاهر
8 سال پھريان
