اسلام آباد (پاکستان نیوزپوائنٹ 25اپریل 2018ء) سينيٽ چيئرمين محمد صادق سنجراڻي چيو آهي ته پاڪستان ۽ ڪيوبا جي وچ ۾ ٻطرفي تعاون کي فروغ ڏيڻ جي لاءِ ضروري آهي ته گڏيل رابطن کي وڌيڪ وڌايو وڃي ۽ بشمول پارلياماني لاڳاپن، گڏيل دلچسپي جي ٻين شعبن ۾ پڻ تعاون کي فروغ ڏنو وڃي. هن اها ڳالهه ڪيوبا جي سفير گيبريل ٽيل ڪيپوٽي سان ملاقات ۾ چئي جيڪا ڪالهه اربع ڏينهن پارليامينٽ هائوس ۾ ٿي. ملاقات ۾ گڏيل دلچسپي جي معاملن تي خيالن جي ڏي وٺ ڪئي وئي. سينيٽ چيئرمين چيو ته پاڪستان ڪيوبا سان پنهنجي ٻطرفي تعاون کي قدر جي نگاهه سان ڏسي ٿو ۽ اسان جي خواهش آهي ته انهن ٻطرفن لاڳاپن کي وڌيڪ وڌايو وڃي. سينيٽ چيئرمين چيو ته پاڪستان ۽ ڪيوبا مشڪل وقت ۾ هڪ ٻئي جو ساٿ ڏنو آهي ۽ عالمي سطح تي مختلف فورمن تي هڪ ٻئي جي حمايت ڪئي آهي جيڪا ان ڳالهه جي عڪاسي آهي ته ٻئي ملڪ هڪ ٻئي سان لاڳاپن کي اهميت ڏين ٿا. سينيٽ چيئرمين تعليم، واپار ۽ ٻين شعبن ۾ تعاون کي وڌائڻ تي زور ڏنو.
پاڪستان ۽ ڪيوبا جي وچ ۾ ٻطرفي تعاون کي فروغ ڏيڻ جي ضرورت آهي: سينيٽ چيئرمين صادق سنجراڻي
6 سال پھريان
