پاڪستان پوسٽ ۾ خصوصي ڀرتين جي معاملي جي جاچ تي ايوان جي خصوصي ڪميٽي ٺاهڻي پئي ته ٺاهينداسين: ڊپٽي اسپيڪر

اسلام آباد (پاکستان نیوزپوائنٹ 15مارچ2018ء) ڊپٽي اسپيڪر مرتضيٰ جاويد عباسي چيو آهي ته پاڪستان پوسٽ ۾ خصوصي ڀرتين جي معاملي جي جاچ تي ايوان جي خصوصي ڪميٽي ٺاهڻي پئي ته ٺاهينداسين، جڏهن ته جماعت اسلامي جي ميمبر عائشه سيد چيو آهي ته انهن ڀرتين ۾ قاعدي قانون جي خلاف ورزي ڪئي وئي آهي، خميس ڏينهن قومي اسيمبلي ۾ اعتراض واري نقطي تي عائشه سيد چيو ته پاڪستان پوسٽ جي ڀرتين ۾ بي ضابطگيون ٿيون آهن ان جي جاچ ٿيڻ گهرجي، اسان اسٽينڊنگ ڪميٽي کي به درخواست ڪئي آهي ته ان جي جاچ جي لاءِ ذيلي ڪميٽي ٺاهڻ جي اسان جي مطالبي کي نظر انداز ڪيو ويو آهي، انهن ڀرتين ۾ قاعدي ۽ قانون کي نظر انداز ڪيو ويو آهي، دپٽي اسپيڪر چيو ته اسان هدايت ڪئي آهي ته ذيلي ڪميٽي جي پاڪستان پوسٽ ۾ ڀرتين جي حوالي سان ڪميٽي جي رپورٽ ايوان ۾ پيش ڪئي وڃي، جيڪڏهن ايوان مطئمن نه ٿيو ته ايوان جي خصوصي ڪميٽي جوڙي ويندي۔