اتر بحريه عرب ۾ پاڪ بحريه ۽ پاڪ فضائيه لانگ رينج اينٽي شپ ڪروز ميزائيلن جي فائرنگ جو ڪامياب مظاهرو

اسلام آباد (پاکستان نیوزپوائنٹ 05 مارچ2018ء) اتر بحريه عرب ۾ پاڪ بحريه ۽ پاڪ فضائيه لانگ رينج اينٽي شپ ڪروز ميزائيلن جي فائرنگ جو ڪامياب مظاهرو ڪيو، ميزائيل فائرنگ جو اهو مظاهرو بحري مشق رباط جي پڄاڻي تي ڪيو ويو، پاڪ بحريه جي ترجمان موجب پاڪ بحريه جي سربراهه ايڊمرل ظفر محمود عباسي ۽ پاڪ فضائيه جي سربراهه ايئر چيف مارشل سهيل امان ميزائيل جي ايف 17 ٿنڊر ايئر ڪرافٽ ۽ پاڪ بحريه جي 22 پي - ايف فري گيٽ پي اين ايس سيف سان فائر جو مظاهرو ڏٺو، پي اين ايس سيف سمنڊ جي سطح کان سمنڊ جي سطح تائين مار ڪندڙ ميزائيل 802 سي فائر ڪيو جي ايف ٿنڊر هوا کان سمنڊ جي سطح تائين مار ڪندڙ ميزائيل 802 اي ڪي- سي فائر ڪيو، ٻنهي پليٽ فارمز کان فائر ڪيا ويا، ميزائيل پنهنجي پنهنجي هدفن کي ڪاميابي سان نشانو بڻايو. اتر عرب ۾ ميزائيل فائر ڪرڻ جو اهو تجربو پاڪ بحريه ۽ پاڪ فضائيه جي گڏيل آپريشنز جي صلاحيت جو ثبوت آهي. پاڪ بحريه جي سربراهه ايڊمرل ظفر محمود عباسي ان موقعي تي خيالن جو اظهار ڪندي چيو ته پاڪ بحريه ۽ پاڪ فضائيه ملڪي سرحدن جي تحفظ جي مڪمل صلاحيت رکن ٿيون، بعد ۾ پاڪ بحريه ۽ پاڪ فضائيه پاران گڏيل فلائي پاسٽ جو شاندار مظاهرو به پيش ڪيو ويو، امير البحر ان موقعي تي پاڪستان نيول فليٽ کي آپريشنل تيارين تي مڪمل اطمينان جو اظهار ڪيو۔