اسلام آباد (پاکستان نیوزپوائنٹ 18دسمبر2017ء) باباءِ قوم قائداعظم محمد علي جناح جي ولادت جي ڏهاڙي جي تقريبن کي هن سال يادگار موقعو بڻائڻ لاءِ ”اسان جو قائد ۽ آئون آهيان پاڪستان“ جي موضوع سان قومي جوش ۽ جذبي سان شاندار اندازي ۾ ملهايو پيو وڃي، پي ٽي وي ۽ ريڊيو پاڪستان سميت ميڊيا جي ذريعن تي باباءِ قوم جي زندگي ۽ خدمتن جي باري ۾ پروموز ۽ ٻي نشريات جي آغاز ۽ ان سان گڏوگڏ تقريبن جي موضوع کي به اجاگر ڪيو پيو وڃي، باباءِ قوم جي زندگي ۽ سياسي جدوجهد جي حوالي سان نوجوانن ۾ آگاهي پيدا ڪرڻ لاءِ ڪوئز پروگرام، تقريري مقابلن ۽ ملي نغمن جو به اهتمام ڪيو پيو وڃي، واضح رهي ته اطلاعات ۽ نشريات واري مملڪتي وزير مريم اورنگزيب جي صدارت هيٺ منعقد اعليٰ سطح جي اجلاس ۾ هن لاڳاپيل عملدارن کي هدايت ڪئي هئي ته قائد جي سالگرهه جي تقريبن کي ان سال يادگار موقعو بڻائڻ لاءِ ڪا ڪسر نه ڇڏي ويندي. خاص طور تي قانون جي حڪمراني ۽ آئين ۽ جمهوريت جي بالادستي جي حوالي سان باباءِ قوم جي اعليٰ تصورن ۽ خيالن کي اجاگر ڪيو وڃي، ان موقعي تي ڊائريڪٽوريٽ آف اليڪٽرانڪ ميڊيا اينڊ پبلي ڪيشنز قائد جي زندگي جي باري ۾ نادر تصويرن، پينٽنگز ۽ خطاطي جي نمائش سان گڏوگڏ اسڪولن جي ٻارن جي وچ ۾ مصوري ۽ مضمون نويسي جي مقابلن جو اهتمام ڪري رهيو آهي جڏهن ته پي اين سي اي ۽ لوڪ ورثو به ثقافتي نقطي نظر جي ذريعي معاشري جي مختلف طبقن ۾ امن، هم آهنگي، يڪجهتي جي فروغ جي مقصدن سان گڏ ان ڏينهن کي ملهائڻ لاءِ خصوصي انتظامن ۽ پروگرامن جو اهتمام ڪيو آهي، وزارت جا لاڳاپيل کاتا، سوشل ميڊيا ۽ پنهنجي آفيشل ويب سائيٽس تي قائداعظم جي پوسٽرن، قولن ۽ تقريرن جي ذريعي تقريبن جي موضوع کي اجاگر ڪري رهيا آهن، انهن تقريبن ۾ نوجوانن تي خصوصي ڌيان ڏنو پيو وڃي ته جيئن عظيم بصيرت انگيز اڳواڻ جي اعليٰ تصورن کي نئين نسل تائين منتقل ڪيو وڃي.
باباءِ قوم قائداعظم محمد علي جناح جي ولادت جي ڏهاڙي جي تقريبن کي هن سال يادگار موقعو بڻائڻ لاءِ ”اسان جو قائد ۽ آئون آهيان پاڪستان“ جي موضوع سان قومي جوش ۽ جذبي سان شاندار اندازي ۾ ملهايو پيو وڃي
6 سال پھريان
