اسلام آباد (پاکستان نیوز پوائنٹ یکم ستمبر 2016ء) صدر ممنون حسين بزرگ صحافي ۽ روزاني پاڪستان آبزرور جي ايڊيٽر انچيف زاهد ملڪ جي لاڏاڻي تي گهري ڏک ۽ افسوس جو اظهار ڪندي چيو آهي ته زاهد ملڪ جون صحافتي خدمتون وڏي عرصي تائين ياد رکيون وينديون. ڪالهه خميس ڏينهن پنهنجي تعزيتي پيغام ۾ هن زاهد ملڪ کي خراج عقيدت پيش ڪندي چيو ته سندس صحافتي شعبي ۾ خدمتن سان گڏوگڏ ديني خدمتون پڻ آهن جنهن ۾ قرآن پاڪ جي مضمونن جو انڊيڪس ۽ ان جو مختلف زبانن ۾ ترجمو خاص طور تي ذڪر جوڳو آهي. صدر چيو ته زاهد ملڪ تمام گهڻين خوبين جو مالڪ هو ۽ سندس صحافت جي شعبي ۾ خدمتون وڏي عرصي تائين ياد رکيون وينديون. صدر دعا ڪئي ته الله تعاليٰ سندس مغفرت ۽ سندس گهرڀاتين کي صبر جميل عطا فرمائي.
صدر پاران صحافي زاهد ملڪ جي لاڏاڻي تي ڏک جو اظهار
8 سال پھريان
