اسلام آباد (پاکستان نیوزپوائنٹ14اکتوبر2017ء) وزيراعظم شاهد خاقان عباسي چيو آهي ته پاڪستان مسلم ليگ (ن) جي حڪومت جڏهن اقتدار ۾ آئي ته هن توانائي بحرانن تي ضابطو آڻڻ جو واعدو ڪيو ۽ اسان جي ڪوشش آهي ته نه رڳو ملڪ کي توانائي جي شعبي ۾ پنهنجي پيرن تي بيهڻ طرف وڃي رهيو آهي پر توانائي جي موثر استعمال لاءِ به قدم کنيا پيا وڃن. وزيراعظم اهڙن خيالن جو اظهار ڪالهه ڇنڇر ڏينهن پورٽ قاسم اٿارٽي تي ٻي ايل اين جي ٽرمينل تي اڳڀرائي بابت فوجي آئل ٽرمينل اينڊ ڊسٽري بيوشن ڪمپني لميٽيڊ (فوٽڪو) تي بريفنگ دوران ڪيو ۽ ان منصوبي تي اطمينان جو اظهار ڪيو. وزيراعظم ميڊيا ونگ طرفان جاري پريس رليز موجب وزيراعظم کي آگاهه ڪيو ويو ته ٻيو ايل اين جي ٽرمينل هلندڙ مهيني ٽئين هتي ۾ فعال ٿي ويندو. وزيراعظم ايل اين جي ٽرمينل جي تڪميل لاءِ تعاون فراهم ڪرڻ تي پورٽ قاسم اٿارٽي جي ڪردار جي واکاڻ ڪئي، سنڌ جو گورنر محمد زبير، مملڪتي وزير چوڌري جعفر اقبال به ان موقعي تي موجود هئا.
حڪومت توانائي بحرانن تي ضابطو آڻڻ جو واعدو ڪيو آهي جيڪو پورو ڪيو پيو وڃي: وزيراعظم شاهد خاقان عباسي
7 سال پھريان
