پاڪ ترڪ اسڪولن جي حوالي سان ترڪيءَ جي حڪومت جي ڳڻتي ۽ مقامي سطح تي انهن اسڪولن جي فائدن کي نظر ۾ رکي فيصلو ڪيو ويندو: مملڪتي وزير انجنيئر بليغ الرحمان

اسلام آباد (پاکستان نیوز پوائنٹ 17اگست 2016ء) تعليم ۽ تربيت واري مملڪتي وزير انجنيئر بليغ الرحمان چيو آهي ته پاڪ ترڪ اسڪولن جي حوالي سان ترڪيءَ جي حڪومت جي ڳڻتي ۽ مقامي سطح تي انهن اسڪولن جي فائدن کي نظر ۾ رکي فيصلو ڪيو ويندو، انهن اسڪولن جي بورڊ آف ڊائريڪٽرز ۾ ٽي پاڪستاني سرندي وارا پڻ شامل آهن جيڪي ڪروڙين رپين جا وظيفا ڏئي رهيا آهن. ڪالهه اربع ڏينهن قومي اسيمبلي ۾ سوالن جي وقفي دوران بليغ الرحمان ٻڌايو ته هايئر ايجوڪيشن ڪميشن جي سطح تي استادن کي عالمي سطح تي باقاعده ٽريننگ ڪرائي وڃي ٿي، سمورن سرڪاري يونيورسٽين جي سگهه ۾ اضافي جي لاءِ ڪوششون ڪري رهيا آهيون، هن سال ان جي بجيٽ وڌائي 92 ارب رپيا ڪئي وئي آهي، 25 هزار نوجوانن کي ساليانو تربيت ڏئي رهيا هئاسين ۽ هن سال ان جو انگ 50 هزار ڪنداسين. هن چيو ته پاڪ ترڪ اسڪولن جي حوالي سان ترڪيءَ جي ڳڻتي تي حڪومت نوٽيس ورتو آهي، ترڪيءَ جي سفير کي پڻ مشاورتي عمل ۾ شامل ڪيو ويو آهي. هن چيو ته ٽي اسڪول پنجاب، 21 اسڪول فائونڊيشن تحت هلي رهيا آهن اهي سيڪيورٽيز اينڊ ايڪسچينج ڪميشن ۾ رجسٽرڊ آهن ۽ بورڊ آف ڊائريڪٽرز ۾ ٽي سرندي وارا ماڻهو پڻ شامل آهن.