قومي نصاب ڪائونسل ڪم شروع ڪري ڇڏيو آهي: مملڪتي وزير انجنيئر بليغ الرحمان

اسلام آباد (پاکستان نیوز پوائنٹ 17اگست 2016ء) تعليم ۽ تربيت واري مملڪتي وزير انجنيئر بليغ الرحمان چيو آهي ته قومي نصاب ڪائونسل ڪم شروع ڪري ڇڏيو آهي، سنڌ ان ۾ مبصر طور شامل آهي، اسان بنيادي نصاب گڏجي ٺاهڻ چاهيون ٿا. ڪالهه اربع ڏينهن قومي اسيمبلي ۾ سوالن جي وقفي دوران شيخ صلاح الدين جي سوال جي جواب ۾ مملڪتي وزير ٻڌايو ته نصاب جو معاملو اهم آهي، ان کي به صوبن ڏانهن منتقل ڪيو ويو تنهن هوندي به بين الصوبائي تعليم ڪانفرنس کي فعال ڪيو آهي. هن چيو ته صوبن ۾ سگهه جو به فرق آهي، جيڪڏهن سمورا صوبا پنهنجو پنهنجو نصاب ٺاهيندا ته اهڙا ڪم جيڪڏهن سٺا به ٿيندا ته ٿي سگهي ٿو ته انهن جا اثر بهتر نه ٿين. ان جي لاءِ هڪ جهڙي نصاب جي لاءِ ڪم ڪري رهيا آهيون، سمورن صوبن مان نيشنل ڪريڪيولم ڪائونسل تي ڪنهن اعتراض ناهي ڪيو، ان ۾ سنڌ مبصر طور شامل آهي. هن چيو ته سڀني گڏجي طئي ڪيو آهي ته بنيادي نصاب گڏجي گڏجي ٺاهيون، قومي نصاب ڪائونسل ڪم شروع ڪري ڇڏيو آهي، هتي اتفاق راءِ سان ڪم ٿي رهيو آهي، ڪيترن ئي اهم معاملن تي اتفاق پڻ ٿي ويو آهي، ان ۾ تعليمي ماهرن، دانشور شامل آهن.