چين پاران پاراچنار ۽ ڪوئيٽا ۾ دهشتگرد حملن جي مذمت

اسلام آباد (پاکستان نیوزپوائنٹ 24جون2017ء) چين پاراچنار ۽ ڪوئيٽا ۾ دهشتگرد حملن جي سخت مذمت ڪندي ان ڳالهه جي خاطري ڪرائي آهي ته چين دهشتگردي خلاف جنگ ۽ ملڪي استحڪام ۽ عوام جي تحفظ جي لاءِ ڪوششن ۾ سدائين پاڪستان سان گڏ بيٺل رهندو. ڪالهه ڇنڇر ڏينهن چيني پرڏيهي وزارت جي عورت ترجمان گذريل ڏينهن ڪوئيٽا ۽ پاراچنار ۾ دهشتگرد حملن بابت هڪ سوال جو جواب ڏيندي چيو ته چين هر قسم جي دهشتگردي جي مذمت ڪري ٿو ۽ اسان دهشتگردي خلاف جنگ ۽ ملڪي استحڪام ۽ عوام جي تحفظ جي لاءِ ڪوششن ۾ سدائين پاڪستان سان گڏ بيٺل رهندو. ترجمان دهشتگرد حملن ۾ قيمتي انساني جانين جي زيان تي گهري ڏک ۽ افسوس جو اظهار ڪندي چيو ته چين کي دهشتگرد حملن سان دلي صدمو پهتو آهي. هن حملن ۾ شهيدن جي پونئيرن سان پڻ دلي تعزيت ۽ همدردي جو اظهار ڪيو آهي.