قومي اسيمبلي پاران سوالن جي وقفي ۽ اسٽينڊنگ ڪميٽين جي حوالي سان ترميمون اتفاق راءِ سان منظور

اسلام آباد (پاکستان نیوز پوائنٹ 09 اگست2016ء) قومي اسيمبلي قاعدا ۽ ضابطه 2007ع جي قاعدي ۾ سوالن جي وقفي ۽ اسٽينڊنگ ڪميٽين جي حوالي سان ڪجهه ترميمن جي اتفاق راءِ سان منظوري ڏئي ڇڏي. اڱاري ڏينهن قومي اسيمبلي جي اجلاس ۾ وفاقي وزير زاهد حامد رٿ پيش ڪئي ته قومي اسيمبلي جي قاعدن ۽ ضابطن جي قاعدي 2007ع ۾ ترميم آڻڻ لاءِ لاڳاپيل قاعدا معطل ڪيا وڃن، ايوان مان رٿ جي منظوري کانپوءِ زاهد حامد قاعدي 71 ۾ ترميم پيش ڪئي، سيد نويد قمر چيو ته ذيلي ڪميٽي جي حوالي سان ابهام موجود آهي، اسپيڪر چيو ته ڪائونسل آف چيئرپرسن جي اجلاس ۾ اها ترميم آڻڻ جو فيصلو ڪيو ويو هو، وفاقي وزير زاهد حامد رٿ پيش ڪئي ته تجويز ڪيل ترميم کي منظور ڪيو وڃي، قومي اسيمبلي رٿ جي منظوري ڏئي ڇڏي.