اسلام آباد (پاکستان نیوز پوائنٹ 04 اگست 2016ء) وفاقي وزير شيخ آفتاب احمد چيو آهي ته سعودي عرب ۾ ملازمت جي غرض سان ويل پاڪستانين جي مشڪلاتن جي جائزي لاءِ وزيراعظم جي هدايت تي سمنڊ پار پاڪستانين جو وزير سعودي عرب ويو آهي، جڏهن ته بيت المال کي به هدايت ڪئي وئي آهي ته هو انهن جي ضرورتن جو خيال رکي. خميس ڏينهن قومي اسيمبلي جي اجلاس دوران اعتراض واري نقطي تي شيخ رشيد احمد چيو ته سعودي عرب ۾ 10 کان 13 هزار پاڪستاني بيوس بڻجي ويا آهن، وزيراعظم به هڪ سٺو بيان ڏنو آهي اسپيڪر ان حوالي سان رولنگ ڏي، ڊپٽي اسپيڪر چيو ته گذريل ڏينهن ان حوالي سان پارليامينٽ کان پيغام ويو آهي، وفاقي وزير شيخ آفتاب احمد چيو ته سمنڊ پار پاڪستانين جي وزير ۽ پاڪستان بيت المال کي چئي ڇڏيو آهي ته انهن ماڻهن جي ضرورتن جو خيال رکيو وڃي.
سمنڊ پار پاڪستانين جو وزير سعودي عرب ويو آهي: شيخ آفتاب احمد
8 سال پھريان
