لندن(پاکستان پوائنٹ نیوز08۔فروری2017ء) لندن وچ پی آئی اے دی فلائٹ 757وچوں گرفتار کیتے گئے خالد بقا بارے ہور انکشافات ساہمنے آئے نیں۔ تفصیل دے مطابق پچھلے دیہاڑے لندن وچ پی آئی اے دی فلاٹ 757توں خالد بقا ناں دے پاکستانی شہری نوں گرفتار کر لیا گیا سی۔ خالد بقا دے حوالے نال ہن ہور انکشافات ساہمنے آئے نیں۔ خالد بقا نوں 2013وچ برطانیا وچ 2سال قید دی سزا سُنائی گئی سی جدکہ خالد بقا نوں جولائی 2012وچ ساتھیاں سنے دہشت گردی دے الزام وچ گرفتار کیتا گیا سی۔
ایس توں وکھ خالد بقا اُتے انتہا پسندانا مواد والیاں 300توں ودھ سی ڈیاں رکھن دا الزام سی۔ ایہناں سی ڈیاں وچ بم بنان دے طریقے، لندن دھمکیاں دے اک مجرم دی وصیت تے جرم قبول کرن دا بیان، انور الاولاقی دے خطبے تے سِر لاہن دے منظر سن۔
