(پاکستان پوائنٹ نیوز07۔فروری2017ء) چین اپنے سبھ توں وڈے سورجی توانائی نال چلن والے ڈرون دی کارکردگی چالو ورھے ٹیسٹ کرے گا۔ چین دی اکیڈمی برائے ائر و سپیس ائر ڈائنا مکس (سی اے اے اے) دے چیف انجینئر شی وین دے مطابق بوئنگ 737مسافر جہاز دے پَراں توں وی چوڑے 40میٹر لَمے پَر رکھن والے رینبو سیریز دے ایس ڈرون نے اجے صرف پہلی فل سکیل ٹیسٹ فلائٹ وچ کامیاب حاصل کیتی اے، ایہ ڈرون دنیا دا دوجا سبھ توں وڈا طاقت ور ڈرون اے جدکہ پہلے نمبر اُتے ناسا دا ماڈل اے۔
ایہ دنیا بھر وچ جدید ترین ٹیکنالوجی تے کارکردگی دی طاقت رکھن والا ڈرون اے، ایہ ڈرون زیادا دیر تک تے بہت اُچیائی تک اُڈان بھرن دی صلاحیت رکھدا اے۔ ذکر کیتے گئے ڈرون دی مرمت آسان تے سادا اے۔ چیف انجینئر نے ایس بارے تفصیلاں نہیں دَسیاں پر اینا آکھیا کہ این ڈرون 20توں 30کلو میٹر دی اُچیائی تک اُڈان بھر سکدا اے تے اوہدے کروز دی رفتار 150توں 200کلو میٹر فی گھنٹہ تک اے۔ ایہ بغیر انسان دے اُڈان بھرن والا پیشگی وارنگ دین، فضائی ماحول توں جانو رکھن، حادثے تے موسمی حالات دی خبر دین لئی ورتیا جا سکدا اے۔
