میلبرن(پاکستان پوائنٹ نیوز06۔فروری2017ء) علی بابا گروپ دے مالک جیک ماءنے خبردار کیتا اے کہ جے تجارت رُکی تے فیر جنگ ہووے گی۔ تفصیل دے مطابق پچھلے مہینے علی بابا گروپ دے مالک جیک ماءنے امریکی صدر ڈونلڈ ٹرمپ نال ملاقات وچ اعلان کیتا سی کہ اوہناں دی کمپنی امریکا وچ 10لکھ نوکریاں دیوے گی۔ ہن آسٹریلیا وچ ہون والی اک تقریب نال خطاب دوران امریکا نوں خبردار کردے ہوئے کمپنی دے مالک دا کہنا سی کہ عالمی تجارتی سمجھوتیاں نوں ختم کرن دی کوشش دے نتیجے بہت خطرناک ہون گے۔
اوہناں نے واضح لفظاں وچ آکھیا کہ جے تجارت رُکی تے فیر صرف جنگی ہووے گی تے دنیا وچ تباہی کھِلرے گی۔ یاد رہوے کہ جیک ماءدا ایہ بیان امریکی صدر ولوں کئی عالمی سمجھوتیاں نوں ختم کرن دیاں دھمکیاں دین مگروں ساہمنے آیا اے۔
