اٹلی:زلزلے دے بعدہوٹل اُتے برفانی تودا ڈِگن نال 30بندےاں دے ہلاک ہون دا خدشہ: خبر ایجنسی

اٹلی(پاکستان پوائنٹ نیوز19۔جنوری2017ء) اٹلی وچ پچھلے چار دِناں توں زلزلا آن دے بعد اج سویرے ہوٹل اُتے اک برفانی تودا آپیا۔ برفانی تودے دے ڈِگن کارن 30بندیاں دے ہلاک ہون دا خدشہ اے۔ مقامی انتظامیا دے مطابق تودا جدوں ہوٹل اُٹے ڈگیا اوس ویلے اندر 30بندے موجود سن۔ ایہ ہوٹل اٹلی دے مرکز پیسکارا وچ اے۔ ہوٹل وچ موجود 30بندیاں وچوں 20پروہنے جدکہ 7بندے ہوٹل انتظامیا دے نیں۔ برفانی تودا ڈِگن دے نتیجے وچ اجے تک کوئی امدادی ٹیم حادثے والی تھاں تک نہیں پہنچ سکی۔ یاد رہوے کہ پچھلے دیہاڑے اٹلی وچ چار وار زلزلے دے جھٹکے محسوس کیتے گئے جہدے بعد اجے تک اٹلی دے اُتلے علاقیاں وچ آفٹر شاکس دا سلسلا جاری اے۔