نویں دِلی(پاکستان پوائنٹ نیوز19۔جنوری2017ء) بھارت دے دو شہراں نویں دِلی تے ممبئی وچ صرف اک ورھے وچ فضائی آلودگی کارن 80ہزار توں ودھ موتاں تے سرکاری خزانے نوں 70ہزار کروڑ رُپئے دے نقصان دی وجہ بنیا جو بھارت دے جی ڈی پی دا 0-71فیصد اے۔ ایہ گل بھارتی اخبار نے انڈین انسٹی ٹیوٹ آف بمبئے رپورٹ دے حوالے نال دَسی۔ رپورٹ دے مطابق 2015دے دوران نویں دِلی تے ممبئی وچ فضائی آلودگی 80665بندے جہناں دیاں عمراں 30سال توں زیادا سن دی موت ویلے ویلے توں پہلا ہون دی وجہ بنی۔
ایہ گنتی 1935دے مقابلے وچ دوگنا اے۔ چالو ورھے فضائی آلودگی کارن محکما صحت دے خرچیاں تے روگیاں دے علاج دی لاگت مسلسل ودھ رہی اے۔ گڈیاں دا دھواں، تعمیراتی سرگرمیاں دے نتیجے وچ ہواوچ شامل ہون والیاں سرگرمیاں آلودگی دی وڈی وجہ اے۔ رپورٹ دے مطابق دوویں شہراں وچ پچھلے دو دہاکیاں دے دوران شہریاں ولوں روگ دی حالت وچ رہن دی مدت وچ وی سو فیصد وادھا ہو گیااے۔ ماحولیات دے ماہراں دا کہنا اے کہ دوویں شہراں وچ فضائی آلودگی دے حقیقی منفی اثرات کیتے زیادا ہو سکدے نیں کیونکہ ذکر کیتی گئی رپورٹ دی تیاری وچ فضائی آلودگی دے پیمانے ودھ رکھے گئے نیں۔ عالمی ادارا صحت دے مطابق بھارت وچ فضائی آلودگی سالانا 5لکھ موتاں دی وجہ بندی اے۔
