نویں دِلی(پاکستان پوائنٹ نیوز05۔جنوری2017ء) بھارتیا جنتا پارٹی (بی جے پی) نے دعوا کیتا اے کہ متحدہ عرب امارات وچ انڈر ورلڈ ڈان داﺅد ابراہیم دی 15ہزار کروڑ مارلیت دی جائیداد قبضے وچ لے لِتی گئی اے۔ بی جے پی نے دعوا کیتا اے کہ داﺅد ابراہیم دی جائیداد نوں بھارتی حکومت ولوں جمع کروائے گئے ڈوزیئر دی وجہ توں قبضے وچ لِتا گیا۔ بی جے پی دے آفیشل ٹویٹر اکاﺅنٹ اُتے ایس خبر نوں مودی سرکار دی اک وڈی کامیابی آکھ کے پیش کیتا گیا۔
جہدے وچ دسیا گیا کہ مطلوب انڈر ورلڈ ڈان داﺅد ابراہیم دی 15ہزار مالیت دی جائیداد نوں متحدہ عرب امارات اندر قبضے وچ لے لِتا گیا اے۔ بی جی پی نے اپنے ٹویٹ وچ اک میڈیا رپورٹ دا حوالا وی دتا جہدے وچ دسیا گیا کہ بھارتی حکومت، داﺅد ابراہیم نوں بھارت لیان لئی قانونی کارروائی کر رہی اے۔
