بھارتی سیاستدان لالو پرساد نے نریندر مودی اُتے پاکستان نال خفیہ تعلقات دا الزام لا دِتا

نویں دِلی(پاکستان پوائنٹ نیوز24۔دسمبر2016ء) بھارتی سیاستدان لالو پرساد نے بھارتی وزیر اعظم نریندر مودی اُتے پاکستان نال خفیہ تعلقات دا الزام لا دِتا۔ تفصیل دے مطابق لالو پرساد دا کہنا سی کہ مودی الیکشن وچ ہار دے ڈر توں یاں مشکل وچ پاکستان دا ناں استعمال کردے نیں۔ اوہناں نے آکھیا کہ مودی دے پاکستان نال خفیہ تعلقات نیں، مودی دی جدوں مرضی ہوندی اے پاکستان چلے جاندے نیں۔ اوہناں دا کہنا سی کہ مودی نے گوانڈھی ملک نوں ائر بیس دے معائنے دی اجازت وی دِتی۔ لالو پرساد نے منگ کیتی کہ مودی گوانڈھی ملک نال تعلقات دی وضاحت پیش کرے۔