انقرہ(پاکستان پوائنٹ نیوز24۔دسمبر2016ء) ترک پولیس نوں انقرہ وچ روسی سفیر دے قتل والی تھاں توں اک آئی فون وی لبھیا اے، سکیورٹی حکام ایس آئی فون دا پاس ورڈ ختم کر کے اوہدے اندر موجود معلومات جاننا چاہندے نیں۔ میڈیا رپورٹس دے مطابق ترک تے روسی سکیورٹی حکام دوویں 4sماڈل دے ایس آئی فون نوں کھولنا چاہندے نیں پر ایہنوں پاس ورڈ لگا ہویا اے جس پاروں ایہنوں کھولنا ممکن نہیں اے۔
ویب سائٹ نے اک سینئر ترک ذمے وار دے حوالے نال دسیا کہ روس ولوں ترک حکام نوں آئی فون نوں کھولن دے سلسلے وچ تکنیکی مدد فراہم کرن دی پیش کش کیتی گئی اے۔ ترکی دے کئی ذمے واراں نے مشہور کمپنی ’ایپل‘ نال وی رابطا کیتا اے پر جویں کہ ایس گل دا سبھ نوں پتا کہ ’ایپل‘ کمپنی ایس حوالے نال کوئی مدد نہیں کردی۔
