اسلحے دی دوڑ: بھارت نے اگنی دوم بیلسٹک میزائل دا تجربا کر لیا

نویں دِلی(پاکستان پوائنٹ نیوز22۔نومبر۔2016ء) بھارت نے خطے وچ اسلحے دی دوڑ جاری رکھدے ہوئے 700کلو میٹر تیک مار کرن والے اگنی دوم بیلسٹک میزائل دا تجربا کر لیا۔ منگل دے دیہاڑے ایہ تجربا اڑیسہ وچ کیتا گیا۔ بھارتی میڈیا دے مطابق اگنی دوم میزائل دا تجربا بھارتی فوج دی سٹرٹیجک فورسز کمانڈ دے تحت کیتا گیا۔ میزائل 12ٹن وزنی اے تے اوہدی لمبائی 15میٹر بنائی گئی اے۔ ایس توں پہلے ایس میزائل دا تجربا چالو ورھے مارچ وچ کیتا گیا سی۔ میزائل ڈی آر ڈی او دے سانجھے تعاون نال تیار کیتا اے۔