نویں دِلی(پاکستان پوائنٹ نیوز19۔نومبر۔2016ء) بھارتی وزیر خارجا سشما سوراج نے آکھیا اے کہ اوہناں نوں گردا دین والے خاہشمند چاہیواناں دا تعلق کئی مذہباں توں اے تے اوہناں وچ مسلماناں دی گنتی زیادا اے۔ بھارتی میڈیا دے مطابق آل انڈیا انسٹی ٹیوت آف میڈیکل سائنسز نویں دِلی وچ کڈنی ٹرانسپلانٹ لئی داخل بھارتی وزیر خارجا سشما سوراج نے سوشل میڈیا ویب سائٹ ٹویٹر اُتے اپنے بیان وچ آکھیا کہ اوہناں نوں گردا دین دے خاہشمند چاہیواناں دا تعلق کئی مذہباں توں اے تے اوہناں وچ مسلماناں دی گنتی زیادا اے۔
اوہناں نے آکھیا کہ عطیہ وچ دِتے جان والے گردے اُتے کسے وی مذہب دا لیبل نہیں ہوندا۔ اوہناں نے ایہ گل اترپردیش دے رہائشی اک بھارتی مسلمان مجیب انصاری ولوں ٹویٹر اُتے ملن والے اک پیغام دے جواب وچ آکھیا جہدے وچ آکھیا گیا سی کہ ’میں اک مسلمان آں تے اک گردا عطیہ دینا چاہنا واں کیوں جے تُسیں میری ماں وانگ او‘۔
