ہریانہ(پاکستان پوائنٹ نیوز18۔نومبر۔2016ء) بھارتی وزیر اعظم نریندر مودی دی کرنسی منسوخی پالیسی نے ہریانہ وچ اک بینکر دی جان لے لئی، مودی سرکار دا 500 تے 1000 دے نوٹ منسوخ کرن دا فیصلا بھارتی لوکائی لئی ڈاڈھی پریشانی دے بعد ہن جان لیوا وی ثابت ہو رہیا اے۔ پولیس دے مطابق روہتک کوآپریٹو بنک دے منیجر راجیش کمار دی لاش اوہدے چیمبر توں ملی، اوہ مسلسل تن راتاں توں جاگ کے کم کر رہیا سی۔
راجیش کمار دے گھر والیاں دا کہنا اے اوہ دل دا روگی سی، کم دی زیادتی پاروں اوہنوں دل دا دورا پیا۔یاد رہوے کہ ایس توں پہلے بنکاں دے باہر کرنسی دی بدلی لئی لمیاں لمیاں لائناں لگیاں جہدے نتیجے وچ دو بُڈھے بندے جان دی بازی ہار گئے جدکہ کرنسی نوٹ بدلی نہ ہون اُتے کئی لوکاں دے دل برداشتہ ہو کے خدکشیاں کرن دیاں اطلاعواں وی ملیاں نیں۔
