نویں دِلی(پاکستان پوائنٹ نیوز18۔نومبر۔2016ء) بھارت نے آخیر لان آف کنٹرول اُتے پاک فوج دی کارروائی دے نتیجے وچ 13فوجیاں دی ہلاکت دا اعتراف کر لیا۔ بھارتی وزارت دفاع ولوں جاری بیان وچ آکھیا گیا اے کہ پچھلے دِنا لائن آف کنٹرول اُتے فائرنگ دے دوران 7پاکستانی فوجی ہلاک ہو ئے سن جدکہ پاک فوج ولوں وی جوابی کارروائیاں وچ ساڈے 13فوجی ہلاک ہو گئے، یاد رہوے کہ ایس توں پہلے بھارت ولوں فوجیاں دی ہلاکت نوں لُکایا جا رہیا سی پر آرمی چیف جنرل راحیل شریف ولوں حالیا بیان دے بعد جہدے وچ اوہناں نے آکھیا کہ بھارت جاندا اے کہ پاکستان کیہ کر سکدا اے تے اوہ ایس خوف توں اپنے فوجیاں دی ہلاکت لُکا رہیا اے۔
بیان وچ آکھیا گیا اے کہ پاکستانی اہلکاراں دی شہادت دا بدلا لین دے حوالے نال پاکستانی فوجی سربراہ دے بیان اُتے سانوں ڈاڈھی تشویش اے، بھارتی وزارت دفاع نے آکھیا اے کہ لائن آف کنٹرول اُتے فائرنگ د ے دوران ساڈے 13فوجی مارے گئے پر اسیں پاکستان توں بدلا لین دا کوئی بیان نہیں دِتا، بھارتی وزیر دفاع نے الزام لایا اے کہ سیز فائر سمجھوتے دی خلاف ورزی پاکستانی رینجرز نے عادت بنالی اے جدکہ پاک فوج دے سربراہ دا بیان مذمت جوگ اے تے ایہ اعلان جنگ دے برابر اے۔
