واشنگٹن(پاکستان پوائنٹ نیوز12۔نومبر۔2016ء) امریکی صدر براک اوباما اپنے آخری بیرونی دوریاں اُتے جلدی روانا ہون گے۔ امریکا دی قومی سلامتی دے معاون مشیر بین رہوڈز نے میڈیا نوں دسیا کہ سبھ توں پہلے صدر اوباما یونان جان گے، جتھے اوہ پارتھنون دا دورا کرن گے تے ایتھنز وچ عالمگیریت دے چیلنجاں اُتے اہم تقریر کرن گے جہدے بعد اوہ جرمنی لئی روانا ہون گے جتھے اوہ جمعرات نوں چانسلر اینجلا مرکل نال دو پاسی امور اُتے ملاقات تے سانجھی پریس کانفرنس کرن گے۔
برلن وچ اوہ برطانیا تے فرانس دے رہنماواں نال وی ملاقات کرن گے۔ برلن وچ صدر اوباما لیما جان گے، جتھے اوہ پیرو وچ ایشیا پیسیفک معاشی تعاون (اے پی ای سی) دے سربراہ اجلاس وچ رلت کرن گے جدکہ سربراہ اجلاس دے احاطے توں باہر ہفتے نوں اوہ چینی صدر شی جن پنگ نال باہمی امور اُتے ملاقات کرن گے تے ایتوار نوں آسٹریلیا دے وزیر اعظم مالکم ٹرن بی نال وی ملن گے۔
