پاک امریکا تعلقات مستحکم نیں، اسیں جمہوریت نوں سپورٹ کردے آں: امریکی سفیر

اسلام آباد(پاکستان پوائنٹ نیوز09۔نومبر۔2016ء) امریکی سفیر نے صدارتی انتخابات دے بعد امریکا دے پاکستان وچ کردار بارے وضاحت کر دِتی اے۔ امریکی سفارتخانے وچ انتخابات تے قومی دیہاڑ دی مناسبت نال تقریب وچ خطاب کردے ہوئے امریکی سفیر ڈیوڈ ہیل نے آکھیا کہ پاک امریکا تعلقات مستحکم نیں، اسیں جمہوریت نوں سپورٹ کردے آں۔ سفارت کاری دے شعبے دی پالیسی وچ کوئی تبدیلی نہیں آئے گی۔ ڈیوڈ ہیل نے ہور آکھیا کہ امریکا تے پاکستان تجارتی پارٹنر نیں ایس لئی ساڈے تعلقات کسے اک شعبے تیک محدود نہیں۔ یاد رہوے کہ امریکی صدارتی انتخابات دے ہن تیک آن والے نتیجے دے مطابق ڈونلڈ ٹرمپ نوں برتری حاصل اے۔