میکسیکو(پاکستان پوائنٹ نیوز08۔نومبر۔2016ء) غیر ملکی ائر لائن دے جہاز وچ اُڈان دوران اک زہریلا تے خطرناک سپ وڑ گیا ، سپ نوں ویکھدے ای جہاز وچ موجود مسافر ڈر گئے۔ تفصیل دے مطابق ائرو میکسیکو فلائٹ وچ 5انچ لمبا اک زہریلا تے خطرناک ہرے رنگ دا سپ چھت نال لٹکن لگا جہدی وجہ توں اُڈان وچ موجود مسافر ڈر گئے۔ دو گھنٹے دی ایس اُڈان وچ سپ اک دم اوور ہیڈ لاکر توں نکل کے باہر آیا، سپ نوں بعد وچ اک کمبل وچ ولھیٹ دِتا گیا۔
جہاز وچ موجود اک مسافر نے اپنی فیس بک پوسٹ وچ دسیا کہ میکسیکو سٹی انٹرنیشنل ائر پورٹ اُتے پہنچن اُتے وی سپ زندا ای سی۔ ائر پورٹ اُتے لینڈ کردے ای سپ نوں متعلقا محکمے دے حوالے کیتا گیا پر خش قسمتی نال جہاز وچ موجود کسے مسافر یاں عملے دے کسے بندے نوں کوئی نقصان نہیں پہنچیا۔
