لندن(پاکستان پوائنٹ نیوز07۔نومبر۔2016ء) برطانوی شاہی جوڑا وی اسلامی ثقافت دا پیروکار نکلیا۔ تفصیل دے مطابق پچھلے دیہاڑے ایتوار نوں برطانوی شہزادا چارلس اپنی بیوی کمیلا نال اپنے تن دنا دورے اُتے متحدا عرب امارات پہنچیا جتھے اوہناں نے ابوظہبی دی سبھ توں وڈی مسجد شیخ زید دا دورا کیتا۔ مسجد دے دورے دے دوران اسلامی اقدار تے مسجد دے تقدس نوں ساہمنے رکھدے ہوئے کمیلا نے نیلے رنگ دا سکارف اپنے سِر اُتے لیا ہویا سی۔
اماراتی نمائندیاں نال ایہ برطانوی شاہی جوڑا عظیم الشان مسجد دے انتہائی خوبصورت فرش توں لنگھدا ہویا مسجد دے اندرلے حصے وچ چلا گیا۔ جتھے اوہناں نے مسجد دی اندرلی کندھ اُتے اللہ تعالی دے 99 ناواں نوں عربی زبان وچ پڑھیا تے مختلف مذہبی رہنماواں نال ملاقات وی کیتی۔ بعد وچ شاہی جوڑا گوانڈھی ملک عمان پہنچیا جتھے اوہ اپنے تن دِنا تفریحی سفر دا آغاز کرے گا۔ آکھیا جا رہیا اے کہ شاہی جوڑا بحرین جان دا ارادا وی رکھدا اے۔
