عالمی سونا مارکیٹ وچ سونے دا بھاء1300ڈالر فی اونس ہوگیا

لندن(پاکستان پوائنٹ نیوز05۔نومبر۔2016ء) کاروباری ہفتے دے آخری دیہاڑے عالمی سونا بازار وچ سونے دے بھاءوچ وادھے دا رجحان ریکارڈ کیتا گیا۔ سونے دی قیمت 1300 سو ڈالر فی اونس توں ودھ گئی۔ تفصیل دے مطابق عالمی مارکیٹ وچ مختلف کرنسیاں دی قدر وچ کمی دے بعد سونے دے بھاءودھ گئے نیں۔ عالمی سونا مارکیٹ وچ سپاٹ گولڈی دی قیمت تیرھاں سو اٹھ اعشاریا چار دو ڈالر فی اونس تیک پہنچ گئی۔ امریکی سونے دے دسمبر دے سودے تیرھاں سو چار اعشاریا ست ڈالر فی اونس اُتے بند ہوئے۔ شینگ ڈونگ گولڈ گروپ دا کہنا اے کہ امریکی صدارتی انتخابی مہم قیمتی دھاتاں دیاں قیمتاں اُتے اثر انداز ہو رہی اے۔ آن والے ورھے جنوری تیک سونے دی قیمت تیرھاں سو پنجاہ ڈالر فی اونس تیکر پہنچن دی پیشنگوئی وی کیتی جا رہی اے۔