نویں دِلی(پاکستان پوائنٹ نیوز03۔اکتوبر۔2018ء) بھارتی شہر نویں دِلی وچ ماموں ولوں اپنی ای بھانجی نال جنسی زیادتی دا انکشاف ہویا اے۔ تفصیل مطابق ملزم نے اپنی 23ورھیاں دی بھانجی نوں ’منگلک دوش‘نوں بنیاد بنا کے 4سا ل توں ودھ دیر جنسی زیادتی دا نشانہ بنایا۔پولیس دا آکھنا اے کہ ملزم نوں گرفتار کر لیا گیا اے۔ ملزم دا کہنا سی کہ میں انج ایس لئی کیتا کیونکہ میری بھانجی اک منگلک دوش اے ، پر جے میں انج نہ کردا تے میری بھانجی دے ایس گناہ دی وجہ توں میرے بھنویے دی جان نوں خطرہ سی تے اوہدی موت وی ہو سکدی سی۔
پولیس نے دسیا کہ ملزم متاثرہ کُڑی نوں اوہدے ویاہ مگروں وی زبردستی سد کے جنسی زیادتی دا نشانہ بناندا رہیا سی پر کُجھ دن پہلاں متاثرہ کُڑی نے اپنے سوہریاں نوں ایہ سبھ کُجھ دسیا۔ کُڑی دی ایس گل نوں سنن مگروں اوہدے سوہریاں نے ٹیرالا پولیس سٹیشن نال رابطہ کیتا جتھے متاثرہ کُڑی نے اپنے ماموں خلاف شکایت درج کروائی۔دوجے پاسے پولیس دا آکھنا اے کہ ملزم خلاف شکایت 13ستمبر نوں درج کروائی گئی، جیہدے مگروں پولیس نے کارروائی کردے ہوئے اوسے دن ملزم نوں لبھ کے گرفتار کر لیا۔
