ریاض(پاکستان پوائنٹ نیوز06۔اکتوبر۔2018ء) سعودی عرب دے ولی عہد شہزادہ محمد بن سلمان نے آکھیا اے کہ اسیں سعودی قوم دے دفاع تے اوہدی حفاظت لئی کسے کولوں مفت وچ کُجھ نہیں لیندے تے اپنے دفاع دے بدلے وچ کسے نوں کُجھ دیواں گے وی نہیں۔ امریکا تے صدر ڈونلڈ ٹرمپ نال ساڈے تعلقات مثالی نیں۔ سعودی عرب امریکا کولوں اسلحہ مفت وچ نہیں لیندا بلکہ اپنے پیسیاں نال خریدا اے۔
امریکی ٹی وی چینل نوں دتے گئے انٹرویو و چ محمد بن سلمان نے آکھیا کہ 2021تیکر سعودی عرب دی تیل کمپنی ’ارامکو‘ دے اثاثے اک ٹریلین ڈالر تیکر اپڑ جان گے۔ صدر ڈونلڈ ٹرمپ دے بیان بار ے اوہناں نے آکھیا کہ غلط فہمیاں ہر تھاں پیدا ہوندیاں نیں۔ اک گھر وچ وی گھریلو معاملات اُتے سارے بندیاں دا 100فیصد اتفاق نہیں ہوندا۔ دوستاں وچکار وی اختلاف رائے ہو سکدا اے۔
بیتے ویلے دے مقابلے وچ سعودی عرب تے امریکا وچکارہن بہتر تعلقات قائم ہوئے نیں۔ جرمنی تے کینیڈا دے سعودی عرب نال تعلقات وچ لاہ چڑھا دے حوالے نال پُچھے گئے سوال دے جواب وچ سعودی ولی عہد نے واضح کیتا کہ کینیڈا نے سعودی عرب دے اندرونی معاملات وچ مداخلت کردے ہوئے اپنا حکم چلان دی کوشش کیتی۔ شہزادہ محمد بن سلمان نے آکھیا کہ اسیں مشرق وسطی وچ بہت سارے اہم مقصد حاصل کیتے نیں۔
اک ہور سوال دے جواب وچ اوہناں آکھنا سی کہ اسیں سعودی قوم دے دفاع تے اوہدی حفاظت لئی کسے کولوں مفت وچ کُجھ نہیں لیندے تے اپنے دفاع دے بدلے وچ کسے نوں کُجھ دیواں گے وی نہیں۔سعودی ولی عہد دا کہنا سی کہ امریکا تے صدر ڈونلڈ ٹرمپ نال ساڈے تعلقات مثالی نیں۔ سعودی عرب امریکا کولوں اسلحہ مفت وچ نہیں لیندا بلکہ اپنے پیسیاں نال خریدا اے۔
