سعودی عرب وچ چن نظر نہیں آیا، پہلا روزہ جمعرات نوں ہوئے گا

ریاض(پاکستان پوائنٹ نیوز15۔مئی2018ء ) سعودی عرب وچ چن نظر نہیں آیا، پہلا روزہ جمعرات نوں ہوئے گا۔ سعودی عرب وچ روزیاں دے چن دے حوالے نال سرکاری اعلان کر دتا گیا اے۔ عرب میڈیا مطابق سعودی عرب دے دارالحکومت ریاض وچ روزیاں دا چن ویکھن لئی رویت ہلال کمیٹی دا اجلاس ہویا۔اجلاس وچ مشہور ماہر فلکیات عبداللہ الخضیری نے وی رلت کیتی۔ اجلاس دے آخیر اُتے روزیاں دے چن دے حوالے نال سعودی سپریم کونسل نے باقاعدہ سرکاری اعلامیہ جاری کیتا اے۔ سعودی سپریم کونسل نے اعلان کیتا اے کہ سعودی عرب وچ چن نظر نہیں آیا۔ ایس لئی سعودی عرب وچ پہلا روزہ 17مئی جمعرات نوں ہوئے گا۔