نیویارک(پاکستان پوائنٹ نیوز11۔اپریل2018ء) سماجی رابطے دی ویب سائٹ’ فیکس بک‘ ورتیندڑاں دا ڈیٹا لیک ہون دے حوالے نال خبراں دی زینت بنی رہی اے۔ ایس سلسلے وچ سماجی رابطے دی ویب سائٹ دے بانی مارک زکر برگ نے سینیٹ دی کامرس ، انصاف کمیٹی دے سربراہواں تے ہور سینیٹرز نال ملاقاتاں کیتیاں تے غلطی دا اعتراف کردے ہوئے معذرت کیتی۔ امریکی سینیٹر نے مارک زکر برگ توں پُچھیا کہ کیہ تُسیں اوس ہوٹل دا ناں دسنا پسند کرو گے جیہدے وچ تُسیں رہندے او؟جیہدے اُتے مارک زکر برگ گھبرا گئے تے کُجھ سوچدے ہوئے معلومات شیئر کرن توں انکار کر دتا۔
جیہدے مگروں سینیٹر نے سوال کیتا کہ جے تُسیں ایس ہفتے وچ کسے نوں پیغام گھلیا اے تے کیہ تُسیں اوہناں لوکاں داناں سانوں دسنا پسند کرو گے؟جیہدے اُتے بانی فیس بک نے آکھیا کہ میں ایتھے ساریاں دے ساہمنے اوہناں دے ناں نہیں دسنا چاہندا۔ ایہدے اُتے امریکی سینیٹر نے مارک زکر برگ نوں آکھیا کہ فیس بک وی ایسے پرائیویسی دا ناں اے جو تُسیں اپنی زندگی وچ رکھنا چاہندے او۔
تُہاڈے کول اپنی پرائیویسی رکھن دا حق اے ، پر سوال ایہ اے کہ ’دنیا بھر نال لوکاں نوں جوڑنا‘ دے ایس مقالے پچھے فیس بک ولوں اکٹھیاں کیتیاں گئیاں معلومات کتھے گھلیاں جاندیاں نیں؟بے شک فیس بک کسے ورتیندڑ توں پیشگی اجازت لے وی لئے پر کیہ تہانوں نہیں لگدا کہ ہر ورتیندڑ فیس بک توں ایسے پرائیویسی دی اُمید کردااے؟مارک زکر برگ نے جواب دتا کہ لوک فیس اُتے آ کے اپنی تصویر تے ویڈیوز شیئر کردے نیں پر اوہناں کول ایس شے دا پور تے مکمل اختیار ہوندا اے کہ اوہ ایہ معلومات کیہناں نال شیئر کرنا چاہندے نیں تے کیہناں نال نہیں۔
جیہدے مگروں امریکی سینیٹر نے مارک زکر برگ نوں کرارار جواب دیندے ہوئے آکھیا کہ بغیر شک دے ورتیندڑ نوں ایہ اختیار دتا گیا اے پر کئی وار ورتیندڑ دی ایہو تصویر تے ویڈیو اوہناں دے فرینڈ سرکل توں باہر نکل جاندی اے ۔ کئی وار ایس قسم دیاں معلومات نوں پیسے کمان لئی وی استعمال کیتا جاندا اے۔
