غیر ملکی دوریاں اُتے اپنے گھر والیاں نوں نال کیوں نہیں لیاندے؟

فرانسیسی پرچا کار دا سعودی ولی عہد محمد بن سلمان توں سوال

غیر ملکی دوریاں اُتے اپنے گھر والیاں نوں نال کیوں نہیں لیاندے؟
فرانسیسی پرچا کار دا سعودی ولی عہد محمد بن سلمان توں سوال

ریاض(پاکستان پوائنٹ نیوز11۔اپریل2018ء) سعودی عرب وچ ہون والیاں تبدیلیاں دی وجہ توں سعودی عرب تے اوہدے ولی عہد دنیا بھر دی توجہ دا مرکز بنے ہوئے نیں۔ ایس لئی ہر کوئی سعودی ولی عہد شہزادہ محمد بن سلمان دی ذاتی تے پیشہ ورانہ زندگی دا تجزیہ کرن وچ رُجھیا اے۔ سعودی ولی عہد شہزادہ محمد بن سلمان دے دورہ یورپ دوران مقامی میڈیا نال گل بات کردے ہوئے اک فرانسیسی پرچا کار نے پُچھیا کہ باہرلے ملک دے دوریاں اُتے تُسیں اپنے گھر والیاں نوں نال کیوں نہیں لیاندے؟جواب وچ شہزادہ سلمان نے آکھیا کہ اوہ تے اوہناں دے خاندان دے بندے اک سادہ زندگی لنگھانا چاہندے نیں ۔

اوہناں نوں لوکاں دی توجہ دا مرکز بننا چنگا نہیں لگدا۔ شہزادہ محمد بن سلمان نے ہور آکھیا کہ میری اک بیوی تے چار بچے نیں میں نہیں چاہندا کہ میرے ایس منصب دی وجہ توں اوہناں نوں کسے مصیبت دا ساہمنا کرنا پئے۔ میں آپ تے میری گھر والی دوویں ایہ چاہندے نیں کہ ساڈے بال عام زندگی لنگھان۔ ایس لئی میں کدی اوہناں نوں باہرلے ملک دے دوریاں اُتے نال نہیں لیاندا۔