ریاض(پاکستان پوائنٹ نیوز09۔اپریل2018ء) سعودی ولی عہد محمد بن سلمان دا کہنا اے کہ وہابیت کیہ اے؟اسیں نہیں جاندے۔ تفصیل مطابق مقامی اخبار ’عکاظ‘ دے کالم نگار بدرالا میر دا کہنا اے کہ سعودی ولی عہد شہزادہ محمد بن سلمان نے اپنے امریکی دورے دوران اٹلانٹک نوں انٹرویو دیندے ہوئے آکھیا اے کہ اسیں نہیں جاندے کہ وہابیت کیہ اے تے نہ ای ساڈے سعودیاں وچوں کوئی اوہدی تعریف کر سکدا اے۔
وہابیت سعودی عرب دی جغرافیائی حد توں باہر دی اصطلاح اے تے ایہو حقیقت اے۔ جیہدا صاف مطلب ایہ اے کہ جس اصطلاح نال سعودی عرب دا کوئی واسطہ ای نہیں اے تے نہ ای ایہ سعودی عرب دی پیدوار اے تے سعودی عرب وچ اوہدا وجود کیویں ممکن اے؟ اوہناں دا کہنا سی کہ سعودی عرب وچ ایس اصطلاح دی موجودگی دے دعوے کرن والے اصل وچ سعودی عرب اُتے الزام لان دی کوشش کر رہے نیں تاں جے سعودی عرب نوں وی دہشت گردی دی جنگ دا حصہ بنایا جا سکے۔
