بھارت(پاکستان پوائنٹ نیوز10۔اپریل2018ء) 2سال تک اپنیاں ای دھیاں نوں جنسی ہوس دا نشانہ بنان والے شہری نوں گرفتار کر لیا گیا اے۔ پولیس نے دسیا کہ ملزم اپنی 16ورھیاں تے 13ورھیاں دیاں دھیاں نوں ہوس دا نشانہ بناندا رہیا۔ جنسی جرائم توں بچاء دی اُچیچی عدالت نے ذکر کیتے گئے ملزم دا ریمانڈ دتا۔ 42ورھیاں دا پیو اپنیاں دھیاں نوں دھمکاندے ہوئے آکھدا رہیا جے اوہناں اوہدی ہوس پوری نہ کیتی تے اوہناں دا تعلیمی خرچہ بند کر دیوے گا۔
ایہدے مگروں بالاں نے اپنی ماں نوں دسیا جیہنے 42ورھیاں دے اپنے گھر والے توں ایس فعل دی وجہ پُچھی تے اوہنے اپنی بیوی نوں گالھیاں کڈھیاں۔ نِکی دھی نے دسیا کہ ساڈی ماں بڈھاپے دی وجہ توں مکان دے ہیٹھلے حصے وچ رہندی سی جدکہ اسیں مکان دے اُتلے حصے وچ پڑھدیاں ساں، اودوں ای میرے دو ورھے پہلاں میرے والد نے پہلے وار مینوں ہوس دا نشانہ بنایا، مینوں کُجھ سمجھ نہیں آیا، میں جدوں اپنے والد توں پُچھیا کہ ایہ کیہ اے؟اوہناں نے مینوں چُپ رہن دی دھمکی دتی تے آکھیا کہ جے میں چُپ نہ رہی تے میرے نِکے بھرا نوں قتل کر دین گے۔
وڈی دھی نے ہور دسیا کہ ساڈا والد سانوں ہوٹلاں وچ بھیج کے غیر مرداں نال اعتراض جوگ کم کر کے پیسے کمان دی دھمکی وی دیندا سی۔ پولیس نے بالاں نوں تحویل وچ لیندے ہوئے اوہناں نوں پروٹیکشن ہاؤس منتقل کر دتا اے۔ پولیس دا کہنا اے کہ ملزم دا میڈیکل چیک اپ کیتا جائے گاجیہدے لئے عدالت توں ملزم دی تحویل دی اپیل کیتی گئی اے۔
