دبئی : 2015 وچ تقریبن 56 ملین پُھلاں دے بوٹے لائے گئے

دبئی(پاکستان پوائنٹ نیوز16۔ستمبر2016ء) اک اندازے دے مطابق 2015 وچ دبئی وچ لائے گئے پُھلاں دے بوٹیاں دی گنتی 56 ملین رہی۔ دبئی دی خوبصورتی نوں ودھان لئی دبئی میونسپیلٹی نے پارکاں، سڑکاں دے کنڈھے، باغاں تے دبئی دے مختلف مقاماں اُتے تقریبن 56 ملین توں ودھ پُھلاں دے بوٹے لائے نیں۔پُھلاں دے سپیشلسٹ یاسان حود دا کہنا اے کہ اسیں نویں ٹیکنالوجی دا سہارا لیا اے تے سڑکاں اُتے لوکائی دی سائیکالوجی نوں نظر وچ رکھدے ہوئے رنگ برنگے پُھلاں دی نمائش کیتی اے تاں جے اوہ ویکھن والیاں نوں اپنے ول کھچ لین۔