سعودی عرب ، دبئی، امریکا، فرانس تے برطانیا سنے یورپ بھر وچ پیر نوں عید منائی گئی

مکہ مکرمہ، جدہ، دبئی، واشنگٹن، پیرس، لندن(پاکستان پوائنٹ نیوز12۔ستمبر2016ء) سعودی عرب، متحدہ عرب امارات، امریکا، فرانس تے برطانیا سنے یورپ بھر وچ وڈی عید پیر دے دیہاڑے عقیدت و احترام نال منائی گئی۔ مسجد الحرام تے مسجد نبوی وچ وڈی عید دے وڈے اجتماعات ہوئے جہدے بعد لوکاں نے سنت ابراہیمی دی پیروی کردے ہوئے قربانی کیتی۔ تفصیل دے مطابق سعودی عرب، متحدہ عرب امارات، خلیجی ملکاں، امریکا، فرانس تے برطانیا سنے یورپ بھر وچ وڈی عید عقیدت و احترام تے جذبے نال منائی گئی، عید دے موقعے اُتے اقوام متحدہ ہیڈ کوارٹر تے نیو یارک دے سکول بند رہے۔ برطانیا وچ کئی مسلماناں نے عید جذبے دے نال منائی پر کئی بندے منگل نوں پاکستان دے نال عید منان گے۔