شمالی کوریا: 5.3 شدت دے زلزلے دے جھٹکے، زلزلے دے جھٹکے ایٹمی دھماکے دے تجربے دے بعد محسوس کیتے گئے

واشنگٹن(پاکستان پوائنٹ نیوز09۔ستمبر2016ء) شمالی کوریا وچ 5.3 شدت دے زلزلے دے جھٹکے محسوس کیتے گئے نیں۔ غیر ملکی خبر ایجنسی دے مطابق زلزلے دے جھٹکے شمالی کوریا ولوں اک ہور ایٹمی دھماکے دیاں تیاریاں دے موقع اُتے محسوس کیتے گئے۔ جنوبی کوریا حکام دے مطابق خدشا اے کہ شمالی کوریا نے 5 واں ایٹمی دھماکا کیتا اے۔ جاپانی وزیر اعظم نے شمالی کوریا دے ممکنا ایٹمی دھماکے بارے معلومات اکٹھیاں کرن دی ہدایت کیتی اے۔ جنوبی کوریا نے نیشنل سکیورٹی کونسل دا ہنگامی اجلاس وی بلا لیا اے۔ اودھر امریکا نے وی آکھیا اے کہ شمالی کوریا دے ممکنا ایٹمی دھماکے دا جائزہ لے رہے آں۔ امریکی سکیورٹی کونسل دے مطابق صورتحال بارے علاقائی پارٹنراں نال رابطے وچ آں۔